Lüera

Spigola trida , strica i penser

che ‘l straent el ta onta

de bonasa e de vöt

me sto ‘n quaciat…

Lüdrisia ‘mpustura

 che ghe paia de orz

che’l bröl se desquarcia

ghe mia tera che arent

ghe ös de ciocà !

A migolì a migolì

te tastet co i aer

morbì de not

ma l’è lüera la lüs

me sto come ‘n barbilì

che semper

e semper el va re a ‘l lüzur

La luna o luna te varda en zo

O luna che luna che varda en zo

Scondisstrolegà co l’umbria del negot

n’üciada de sbies a l’urdit del signur

e me… sto ‘n quaciat

Scolenga e po arda  e scaa büze con i öcc

el rantech el pianzer

l’è spuza o pasiù?

ghe ös de sfrazà.

A migolì a migolì

te tastet co i aer

morbì de not

ma l’è lüera la lüs

me sto come ‘n barbilì

che semper

e semper el va re a ‘l lüzur

La Luna o luna te varda en zo

O luna che luna che varda en zo

O luna te luna me varde en sö

La luna o luna te varda en zo

…..

La Luna o luna te varda en zo

la luna o luna te varda en zo

se l’anvigni se l’anvigni se l’anvigni vè…

me sto piò’n dre se me sto me sto piò’n drè